प्रेम देवान
विराटनगर, १२ चैत । सुनसरीको अमडुवामा बालविवाह अन्त्य गर्नको लागि वृहत र्याली निकालिएको छ । बजरंगी बाल क्लबको आयोजनामा आज र्याली निकालिएको हो ।
अमडुवा २ दमरी चोकदेखी निकालिएको र्यालीले १, २, ८ र ९ नम्बर वाड परिक्रमा गरी सोही ठाउँमा आएर सम्पन्न भएको कार्यक्रम संयोजक उमाकन्त रायले जानकारी दिनुभयो । चन्द्रमुखी क्लब र युनाईटेड मिसन टु नेपालको सहयोगमा भएको कार्यक्रममा बालबालिका, विभिन्न क्बलका आवद्ध सदस्यहरुको सहभागिता रहेको थियो । उनीहरुले बाल अधिकार सुनिश्चित गरौ, बालयौन दुव्याहार अन्त्य गरौ, दाइजो प्रथा अन्त्य गरौलगायतको प्लेकाटसहित र्यालीमा सहभागिता थिए । र्याली पछि आयोजक कार्यक्रममा चन्द्रमुखी क्लबका निर्देशक अरविन चौधरी, सहजकर्ता नीता चौधरी, वुद्धिजीवि चन्दलाल चौधरी, समाजसेवी धमेन्द्र रायलगायले बोल्नुभएको थियो ।
