सप्तरी, चैत्र १७
सप्तरीको कुशाह ६ स्थित पूर्वपश्चिम राजमार्गमा बुधवार ट्रकको ठक्करबाट मोटरसाईकलमा सवार एक महिलाको मृत्यु भएको छ।
मृत्यु हुनेमा सप्तरी मल्हनवा ६ बस्ने २२ बर्षिया कल्पना चौधरी रहेकी छन्।
पश्चिमबाट पूर्वतर्फ आँउदै गरेको ज.१ ख ५७४ नम्बरको ट्रकले सोही दिसातर्फ आँउदै गरेको मोटरसाईकललाई ठक्कर दिँदा मोटरसाईकलको पछाडी सवार चौधरी घाईते भएकी थिईन।
घाईते चौधरीलाई उपचारकालागी सप्तऋषी अस्पताल लहान सिराहा पठाईएकोमा उपचारको क्रममा मृत्यु भएको इलाका प्रहरी कार्यालय कडोरवानाले जनाएको छ।
ट्रक र चालकलाई प्रहरीको नियन्त्रणमा राखिएको उक्त कार्यालयले जनाएको छ। यसैगरी सप्तरीको बनौली ३ स्थित हुलाकी राजमार्गमा मोटरसाईकलको ठक्करबाट एक बृद्धा घाईते भएकी छन्।
घाईते हुनेमा सोही ठाँउ बस्ने ७८ बर्षिया प-र्यागी देवी यादव रहेकी छन्। पूर्वबाट पश्चिमतर्फ जाँदै गरेको स २ प ३४१७ नम्बरको मोटरसाईकलले पैदल हिँडिरहेकी उनलाई ठक्कर दिएको थियो।
घईते बृद्धालाई उपचारकालागी सगरमाथा अञ्चल अस्पताल पठाईएको इलाका प्रहरी कार्यालय बोदेबर्साईनले जनाए छ। चालक तत्काल फरार रहेकोले खोजी भईरहेको उक्त कार्यालयले जनाएको छ।
