सुनसरी, चैत्र ३१
सुनसरीको धरान-८ स्थित तिनकुनेबाट प्रहरीले बुधबार लागूऔषधसहित दुईजनालई पक्राउ गरेको छ।
तिनकुनेको प्रहरी चेकीङ टोलीले चेकजाँच गर्ने क्रममा यात्रु बाहक बसमा सवार धरान-१५ बस्ने बर्ष २० मनोज पोखरेललाई पक्राउ गरेको हो।
प्रहरीले उनको साथवबाट एभिल ५० एम्पुल, लुपिजेसिक ५० एम्पुल, डाईजोलोपाम ५० एम्पुल, नाइट्रोजन १० चक्की बरामद गरेको छ भने धरान-५ बस्ने २० बर्षिय प्रदिप राईको कोठाबाट नाइट्रोशन १८ ट्याबलेट सहित पक्राउ गरेको छ।
पक्राउ परेका दुवैजनालाई इलाका प्रहरी कार्यालय धरानमा राखी थप अनुसन्धान भइरहेको उक्त कार्यालयले जनाएको छ।
