सप्तरी, बैशाख २ गते
सप्तरीको बिसरीया-६ मा शनिबार विहान आगालगी हुँदा ११ घर जलेर नष्ट भएका छन्। सोही ठाउँका बिजेश्वर यादवको घर नजिकै थ्रेसरबाट गहुँ झार्ने क्रममा अचानक थ्रेसरबाट निस्किएको आगोले नजिकै रहेका ११ घर परिवारका जम्मा ११ वटा घर पूर्ण रुपमा जलेका छन्। आगलागीबाट ११ वटा चौपाया समेत जलेर मर्दा अन्दाजी २६ लाख बराबरको क्षति बएको पिडितले बताए।
आगलागी नेपाल प्रहरी, नेपाली सेना, दमकल, तथा स्थानियबासीहरुको सहयोगमा नियन्त्रणमा लिएको जिल्ला प्रहरी कार्यालय सप्तरीले जनाएको छ।
