सप्तरी प्रहरीले सप्तरीको डाक्नेश्वरी नगरपलिका -८ बस्ने २६ बर्षिय दुर्गा प्रसाद साहको अपहरणमा संलग्न दुई जनालाई पक्राउ गरी बुधबार सार्बजनिक गरेको छ।
पक्राउ पर्नेमा सप्तरी जमुनिमध्येपुरा -६ घर भइ हाल इटहरी बिष्णुपुर गाउपालिका -१ बस्ने २२ बर्षिय जुम्राती मिया र कल्याणपुर -३ घर भइ हाल खड्क नगरपालिका -७ बस्ने २२ बर्षिय मोहमद मन्जुर मिया रहेका छन्।
उनीहरुले गत सोमबार आफ्नै घरमा सुती रहेको अवस्थामा राती ११ बजेतिर दुर्गालाई हतियार तथा पेस्तोल देखाई घरबाट अपहरण गरी बेपत्ता बनाएको भन्ने जानकारी प्रहरी चौकी प्रवाहमा प्राप्त भएसंगै प्रहरीले उनीहरुको खोजी गर्ने क्रममा सोही ठाउँको पुरानो गाविस भवनमा लुकेर बसेको अवस्थामा अपहरणमा परेका दुर्गा साह सहित उनीहरुलाई राती १ नै बजे पक्राउ गरेको हो।
प्रहरीले अपहरणमा संलग्न मोहमद मन्जुर मियाको साथबाट कटुवा पेस्तोल थान -१ सोही पेस्तोलको गोली २ राउण्ड गोली समेत बरामद गरेको छ। अपहरणमा संलग्न दुवैजनालाई शरिर बन्धक मुद्दामा सम्मानित जिल्ला अदालत सप्तरीबाट म्याद थप गरी अनुसन्धान कार्य भइरहेको प्रहरीले जानएको छ।
