धनकुटा । धनकुटाको मुलघाट नजिक आज अपरान्ह बस दुर्घटना हुँदा ३४ जना घाईते भएका छन । संखुवासभाको खादवारीबाट धरान तर्फ जाँदै गरेको को.१ ख.४०७२ नम्बरको बस धनकुटा नगरपालिका–९ स्थित च्याङ्च्याङ्गवारी छेउमा दुर्घटना भएको हो ।
दुर्घटनामा परी घाईते भएका सवैलाई उपचारका लागि धरान स्थित वीपी कोईराला स्वास्थ्य बिज्ञान प्रतिष्ठान लगिएको छ । ब्रेक फेल भएर बस दुर्घटना भएको धनकुटाका ट्राफिक प्रहरी प्रमुख सुरेन्द्र खड्काले जानकारी दिए ।
बस सडकमा पल्टिएपछि कोशी राजमार्ग अवरुद्ध भएको छ । राजमार्ग अवरुद्ध भएपछि दर्जनौ सवारी साधन रोकिएर बसेका छन । राजमार्ग खुलाउँने प्रयास भईरहेको मुलघाट प्रहरी चौकीका प्रहरी सहायक निरिक्षक राजेश श्रेष्ठले जानकारी दिएका छन् ।
