झापाको मेची नगरपालिका १० स्थित नन्द पेट्रोल पम्प अगाडी मंगलबार अपरान्ह ट्याक्टर दुर्घटनामा परी चार जना घाईते भएका छन्। पूर्व पश्चिम राजमार्ग अन्तर्गत ईट्टा लोड गरेर आउँदै गरेको लु २ त ६५९० नम्बरको ट्याक्टर आँफै अनियन्त्रित भई सडकमा पल्टिदा दुर्घटना भएको थियो। दुर्घटनामा परी मेची नगरपालिका १२ बस्ने कृष्ण लुहार, सुदिप भारती, मिलन तामाङ र सुजन शिवा घाईते भएका छन्। उनीहरुलाई उपचारकालागी बि एण्ड सी अस्पताल बिर्तामोड पठाईएको इलाका प्रहरी कार्यालय शुलाबारीले जनाएको छ। ट्याक्टर र चालकलाई प्रहरीको नियन्त्रणमा राखिएको छ।
