ईलाम, बैशाख १३ गते
ईलामको देउमाई नगरपालिका १ मा बुधबार बलेरो गाडीको ठक्करबाट एक बालक घाईते भएका छन्।
मेची राजमार्गस्थित झापाबाट नेपालटारतर्फ जाँदै गरेको ग १ ज ५५०१ नम्बरको बलेरो गाडीको ठक्करबाट सोही ठाउँ बस्ने राम बहादुर राईको २ बर्षिय छोरा पनिश राई घाईते भएका हुन्।
बालकलाई घरबाट सडकमा निस्कने क्रममा उक्त गाडीले ठक्कर दिएको थियो। ठक्करबाट घाईते बालकलाई उपचारकालागी बि एण्ड सी अस्पताल बिर्तामोड पठाईएको प्रहरी चौकी रक्सेले जनाएको छ।
ठक्कर दिने गाडी र चालकलाई प्रहरीको नियन्त्रणमा राखिएको छ।
