स्थानीय निकायको पहिलो चरणमा बैशाख ३१ गते हुन गइरहेको निर्वाचनमा शान्ति सुरक्षाका लागि प्रहरी प्रधान कार्यालयले विभिन्न जिल्लामा गरी हालसम्म ४ हजार ८ सय ८७ जना प्रहरी कर्मचारीलाई थप मद्धतको लागि २ सय २० वटा सवारी साधन सहित परिचालन गरेको छ ।
प्रहरी प्रधान कार्यालय, महानगरीय प्रहरी कार्यालय, क्षेत्रीय प्रहरी कार्यालयहरु बिराटनगर तथा दिपायल, प्रहरी युक्ति महाविद्यालय जर्गाह र जुनियर प्रहरी अधिकृत शिक्षालय भरतपुरबाट गरी प्रदेश नम्बर ३, ४ र ६ मा पर्ने जिल्लाहरुमा उक्त संख्यामा प्रहरी कर्मचारीहरु थप मद्धतको लागि खटाइएको हो ।
खटाइएकामध्ये गोरखामा ५ सय ५५, बाग्लुङमा १०, नुवाकोटमा ६ सय १४, पर्वतमा २५, काभ्रेमा ६ सय ५१ सिन्धुपाल्चोकमा ४ सय ५१, स्याङजामा ७०, म्याग्दीमा १२, धादिङमा ३ सय १३, लम्जुङमा ८१, कास्कीमा ४०, चितवनमा ८१, तनहुँमा ८९, मकवानपुरमा ८०, रसुवामा १४, सुर्खेतमा ३ सय ९३, नवलपरासीमा ५, सिन्धुलीमा १ सय ३०, दोलखामा १ सय ८६, रामेछापमा १ सय २४, दैलेखमा १ सय ४२, कालीकोटमा १ सय १२, जुम्लामा २६, जाजरकोटमा ७२, सुर्खेतमा १ सय २९, सल्यानमा ४ सय २५ र रुकुममा ५७ जना प्रहरी कर्मचारी परिचालन गरिएको हो ।
निर्वाचनको घोषणा भए पश्चात प्रहरी प्रधान कार्यालयले केन्द्रमा केन्द्रीय निर्वाचन समन्वय कक्ष २०७४ स्थापना गरी गरिएको छ । उक्त प्रदेशहरुमा कुल २२ हजार ६ सय १५ जना प्रहरी कर्मचारी तथा २२ हजार ६ सय ९९ म्यादी प्रहरी खटाउने नीति अनुरुप आवश्यकता अनुसार थप मद्धत खटाउदै आएको उक्त कक्षले जनाएको छ ।
प्रहरी स्राेत
