विराटनगर बैशाख २३, भारतका विश्वविद्यालयहरुमा पढ्न जाने विद्यार्थीहरुका लागि शैक्षिक मेला सुरु भएको छ । विराट वाइड रेन्ज कन्सलट्यान्सीको आयोजनामा बैशाख २३ र २४ विराटनगरको होटल नमस्कारमा उक्त शैक्षिक मेला सुरु भएको हो । उक्त मेलामा २० वटा भारतीय विश्वविद्यालयहरुको स्टल रहेको र विद्यार्थीहरुले १ सय बढी कोर्सहरुको बारे जानकारी पाउन सक्ने आयोजक विपिन श्रेष्ठले बताए । मेलामा सहभागी हुने विद्यार्थीहरुले कुनै प्रवेश शुल्क तिर्नु नपर्ने पनि श्रेष्ठले जानकारी दिए ।
