तेह्रथुमको चुहानडाँडा-६ स्थित जिरो प्वाइन्टमा आइतबार जिप दुर्घटना हुँदा ११ यात्री घाइते भएका छन्।
तेह्रथुमको संक्रान्ती बजारबाट बिहान ८ बजेतिर पांचथरको फिदिमतर्फ आउँदै गरेको मे १ ज २३८५ नम्बरको जिप अनियन्त्रित भई सडकबाट अन्दाजी १२ मिटर तल खसेको थियो।
दुर्घटनामा जिपमा सवार तेह्रथुम चुहानडांडा-६ बस्ने ४० बर्षिया तुलसा बास्कोटा, सोही ठाउँकी ४० बर्षिया जमुना कटेल र उनकै छोरी १५ बर्षिया गिता कटेल गम्भिर घाइते भएका छन्।
उनीहरुको विपी कोइराला स्वास्थ्य विज्ञान प्रतिष्ठान धरानमा उपचार भइरहेको छ भने तेह्रथुम सक्रान्ति-६ बस्ने २५ बर्षिया दिक्षा इङनाम, जिल्ला पांचथर फिदिम नगारपलिका-४ बस्ने ८ बर्षिय दिपशेन रोक्का, सोही ठाउँकी ४० बर्षिया बिमला सुबेदी, तेह्रथुम चुहानडांडा-६ बस्ने २० बर्षिया सुशिला न्यौपाने ह्वाकु-३ बस्ने ५५ बर्षिया चक्र ईङनाम, उनकै श्रीमती ५० बर्षिया रूपा ईङनाम, चुहानडाँडा-९ बस्ने बर्ष ३२ बर्षिया रमा गौतम, झापा बुधबारे-८ बस्ने ४३ बर्षिया जमुना वली सामान्य घाइते भएका छन्।
उनीहरुको जिल्ला अस्पताल पाँचथरमा उपचार भइरहेको छ भने जिपका चालक फरार रहेकाले खोजीकार्य भइरहेको इलाका प्रहरी कार्यालय आठ्रराईले जनाएको छ।
