पूर्वको विभिन्न जिल्लाहरुमा सोमबार भएको सवारी दुर्घटनामा ६ जना घाइते भएका छन्।
मोरङः मोरङको बुढिगंगा गाँउपालिका-३ स्थित भित्रि सडक खण्डमा बाटोको साइडमा रोकी राखेको को ना ३ ख ७८४३ नम्बरको ट्रकसंग को २८ प ९३५९ नम्बरको मोटरसाइकल ठोक्किदा सुनसरी दुहवी-भलुवा नगरपालिका-४ बस्ने १८ बर्षिय अर्जुन चौधरीको मोटरसाइकल पछाडी सवार सोही ठाउँका २० बर्षिय कमल सरदार, र २० बर्षिय मनिष चौधरी घाइते भएका छन्। उनीहरुको कोशी अञ्चल अस्पताल विराटनगरमा उपचार भइरहेको छ भने मोटरसाइकल चालक अर्जुन चौधरी फरार रहेकाले खोजी भइरहेको छ।
ओखलढुङ्गाः ओखलढुङ्गाको मानेभञ्ज्याङ गाउँपालिका-६ मा सोलुखुम्बुबाट काठमान्डौँतर्फ जादै गरेको मे १ ज २१६३ नम्बरको बोलेरो ब्रेकफेल भइ अनियन्त्रित हुँदा बलेरो चालक सोलुखुम्बु केरुङ-१ बस्ने अन्दाजी २४ बर्षिय लाक्पा शेर्पा र दुधकोशी गाउँपालिका -१ बस्ने अन्दाजी २२ बर्षिय निमा शेर्पा घाइते भएका छन्। घाइते दुवैलाई उपचारकोलागी मानेभञ्ज्याङ स्थित स्वास्थ्य चौकीमा लगिएकोमा उपचार हुन नसकेपछी थप उपचारकोलागी काठमान्डौँ लगिएको छ।
सप्तरीः सप्तरीको खड्क नगरपलिका-७ स्थित लोक राजमार्गमा पश्चिमबाट पूर्वतर्फ जादै गरेको ना ३ ख ७९०५ नम्बरको माईक्रोले ठक्कर दिँदा पैदलयात्री सोही नगरपालिका-९ बस्ने अन्दाजी ३५ बर्षिय भुपेन्द्र प्रसाद साह घाइते भएका छन्। उनको विपी कोइरालाल स्वास्थ्य विज्ञान प्रतिष्ठान धरानमा उपचार भइरहेको छ भने माइक्रोका चालकालई इलाका प्रहरी कार्यालय कल्याणपुरले नियन्त्रणमा लिएको छ।
सुनसरीः सुनसरीको दुहबी नगरपलिका-८ स्थित कोशी राजमार्गमा दुहबीबाट ईटहरीतर्फ जाँदै गरेको को ६९ प ८४०० नम्बरको मोटरसाइकलको ठक्करबाट साईकलयात्री दुहबी-८ बस्ने ३५ बर्षिय बिरेन्र्द साहा घाइते भएका छन्। उनको सामुदायिक अस्पताल दुहबीमा उपचार भइरहेको छ भने मोटरसाइकल चालक विराटनगर-१२ बस्ने ५१ बर्षिय धुर्ब हमाल समेत घाईते भएकाले सोही अस्पतालमा उपचार भइरहेको छ।
