सप्तरी, बैशाख २७ गते।
सप्तरीको हनुमाननगर-कंकालिनी नगरपालिका १ स्थित राजमार्गमा बलेरोको ठक्करबाट बुधबार बिहान जन्ती हिडेका एक पुरुषको मृत्यु भएको छ।
मृत्यु हुनेमा बेल्टार नगरपालिका २ बस्ने ४५ बर्षिय बीर बहादुर मगर रहेका छन्।
मगरलाई पूर्वबाट पश्चिम जाँदै गरेको बा १६ च ३८११ नम्बरको बलेरो गाडीले बेल्टार नगरपालिका २ बाट जन्ती लिएर आउँदै गरेको ग १ ख २८८९ नम्बरको बिबाहको बस रोकेर पिसाव फेरेर फर्कने क्रममा ठक्कर दिएको थियो।
ठक्करबाट मगरको घट्नास्थलमा नै मृत्यु भएको इलाका प्रहरी कार्यालय भारदहले जनाएको छ। ठक्कर दिने बलेरो र चालकलाई प्रहरीको नियन्त्रणमा राखिएको छ।
