अदालतबाट कैद तथा जरिवाना सजाय भई फरार रहेका प्रतिवादीहरु खोजतलास गर्ने अभियान अन्तर्गत प्रहरीले मंगलवार एक जनालाई पक्राउ गरेको छ।
पक्राउ पर्नेमा नकबजनी चोरीमा फरार रहेका झापा सुरुङगा नगरपालिका ९ बस्ने निरज माझीलाई झापा प्रहरीले पक्राउ गरेको हो।
पक्राउ परेका उनीउपर सम्मानित जिल्ला अदालत झापाको मिति २०७१ असार ३ गतेको फैसलाले १ बर्ष ११ महिना १ दिन कैद तथा ६९ हजार २ सय २२ रुपैँया सजाय तोकेको थियो। माझीलाई बुधबार जिल्ला अदालत झापामा बुझाईने जिल्ला प्रहरी कार्यालय झापाले जनाएको छ।
