झापा, जेठ ७
झापाको हल्दिबारी-३ मा शनिबार परेको चट्याङ लागेर एकजनाको ज्यान गएको छ भने अन्य ३ जना घाइते भएका छन्।
साँझ ५ बजेतिर अचानक परेको चट्याङले हल्दिबारी-३ बस्ने ५० बर्षिया लिला बानियाँको मृत्यु भएको छ। गम्भिर घाइते भएकी बानियाँलाई उपचारकोलागी मेची अञ्चल अस्पताल लैजाने क्रममा बाटोमै मृत्यु भएको हो।
साथै सोही ठाउँका राधिका बानियाँको ११ बर्षिय छोरा अनिल बानियाँ र महेश बानियाँको श्रीमती २३ बर्षिया सोरधनी मिस्त्री घाइते भएका छन्। उनीहरुको मेची अञ्चल अस्पतालमा उपचार भईरहेको प्रहरी चौकी जलथलले जनाएको छ।
त्यस्तै हल्दिबारी ४ बस्ने ५५ बर्षिया नर्बदा पोख्रेल समेत चट्याङ लागेर बेहोस भएकी छिन्। उनको सोही अस्पतालमा उपचार भइरहेको छ।
