काठमाडौं । आजको संसद बैठक ५ मिनेटमात्र बसेर स्थगित भएको छ । दिउँसो १ बजे बोलाइएको संसदीय बैठकमा प्रधानमन्त्री पुष्पकमल दाहालले सम्बोधन गर्ने र बजेट उपर छलफल सुरु हुने बताइएको थियो ।
नयाँ अधिवेशनको पहिलो बैठकमा सभामुख ओनसरी घर्ती मगरले राष्ट्रपति विद्यादेवी भण्डारीले पठाएको पत्र वाचन गरी सुनाएर भोलिदेखि बजेटउपर छलफल सुरु हुने जानकारी दिँदै संसद बैठक सकिएको घोषणा गरेकी थिइन् । संसदको अर्को बैठक भोलि बिहान ११ बजे बस्नेछ ।
