पूर्व पश्चिम राजमार्ग अन्तर्गत झापाको शिवसताक्षी नगरपालिका ११ स्थित पेट्रोलपम्प नजिक बिहीबार बसको ठक्करबाट मोटरसाईकलमा सवार एकजनाको मृत्यु भएको छ।
मृत्यु हुनेमा मोटरसाईकलमा सवार सोही नगरपालिका बस्ने ६२ बर्षिय शान्तिराम उप्रेती रहेका छन्।
पूर्वबाट पश्चिम आउँदै गरेको को १ ख ४२७७ नम्बरको यात्रु बाहक बसले सोही दिसातर्फ आउँदै गरेको मे ४ प ८६३२ नम्बरको मोटरसाईकललाई पछाडीबाट ठक्कर दिएको थियो।
ठक्करबाट गम्भिर घाईते उनको उपचारको क्रममा विएण्डसी अस्पताल बिर्तामोडमा मृत्यु भएको इलाका प्रहरी कार्यालय झिलझिलेले जनाएको छ। ठक्कर दिने वस र चालकलाई उक्त कार्यालयको नियन्त्रणमा राखिएको छ।
