झापा, जेठ १९
झापाको हल्दिबारी गाउँपालिका ४ स्थित चौकीबिराम हरियाली सामुदायिक जंगलमा शुक्रबार राती हात्तीको आक्रमणबाट एक जनाको मृत्यु भएको छ।
राती ३ बजे तिर च्याउ खोज्न गएका सोही ठाउँ बस्ने रथी मेचेको मृत्यु भएको प्रहरी चौकी जलथलले जनाएको छ। बिहान छिमेकीहरु सोही जंगलमा घाँस दाउरा गर्न जाने क्रममा मेचेको शब देखेपछी प्रहरीलाई खबर गरेका थिए।
घटनास्थलमा जलथलबाट प्रहरी टोली खटि गई कानूनी प्रकृया पुरा गरी शवलाई पोष्टमार्टमकालागी अंचल अस्पताल भद्रपुर पठाईएको छ।
