झापा, सुनसरी, जेठ २१ गते।
पूर्वको झापा र सुनसरीमा शनिबार भएको सवारी दुर्घटनामा ६ जना भएका छन्।
झापाको बिर्तामोड नगरपालिका-६ स्थित बुट्टाबारी रेखा पुलमा मे २ प ४३१६ नम्बरको मोटरसाइकलले पैदलयात्री सोही नगरपालिका- ६ बस्ने २८ बर्षिय प्रदिप दाहाललाई ठक्कर दिएको छ। ठक्करबाट घाइते दाहालको विएनसी अस्पताल विर्तामोडमा उपचार भइरहेको छ ।
दुर्घटनामा मोटरसाइकल चालक बिर्तामोड नगरपालीका-७ बस्ने ४० बर्षिय भिम सिवाकोटी समेत गम्भिर घाईते भएका छन्। उनको सोही अस्पतालमा उपचार भइरहेको इलाका प्रहरी कार्यालय अनामनीले जानएको छ।
यता बिर्तामोड नगरपालीका-८ नेपाल चोकमा बिर्तामोडबाट चन्द्रगढीतर्फ जादै गरेको मे ८ प २०३० नम्बरको मोटरसाइकलको ठक्करबाट सोही नगरपलिका-७ बस्ने ६५ बर्षिय प्रेम कुमार नेपाल घाइते भएका छन्। उनको विएनसी अस्पताल विर्तामोडमा उपचार भइरहेको छ। दुर्घटनामा मोटरसाइकल चालक भद्रपुर नगरपालिका-१० बस्ने २९ बर्षिय संदिप लम्साल समेत सामान्य घाईते भएका छन्। उनको सोही अस्पतालमा उपचार भइरहेको प्ररही चौकी गरामुनीले जानएको छ।
त्यस्तै सुनसरीको दुहबी नगरपालिका-१० स्थित दुहबी ईनरुवा सडक खण्डमा को २६ प ३४३८ नम्बरको मोटरसाइकल अनियन्त्रित भई दुर्घटना हुदा मोटरसाइकल चालक गडी गाउँपालिका-११ बस्ने २४ बर्षिय दिपक नारायण उराव र पछाडी सवार दुहबी नगरपालिका-८ बस्ने २१ बर्षिय रमेश कुमार साह घाइते भएका छन्। घाइते दिपककको सामुदायिक अस्पताल दुहवीमा उपचार भइरहेको छ भने रमेशको न्युरो अस्पताल विराटनगरमा उपचार भइरहेको छ।
