बिराटनगर जेठ २१ ,
बिराटनगरस्थित गुराँस पुस्तकालयद्वारा आयोजना गरिएको एक कार्यक्रम बीच 'बरगाछी: शैलजा आचार्य स्मृति अंक' विमोचन तथा सम्मान कार्यक्रम सम्पन्न भएको छ । माननीय संसद तथा नेपाली कांग्रेसका केन्द्रीय सदस्य डा. शेखर कोईरालाको प्रमुख आतिथ्य उक्त कार्यक्रम सम्पन्न भएको हो । यसका साथै पुस्तकालयको ४७ औ स्थापना दिवसको अवसर पारेर समाजमा योगदान पुर्याउने बिभिन्न व्यक्तिहरुलाई सम्मान पनि गरिएको थियो ।
पुस्तकालयले सदन बहादुर कार्की , समाजसेवी जगतप्रसाद आर्याल तथा क्रिकेट खेलाडी पुष्प थापालाई सम्मान गरिएको पुस्तकालयका अध्यक्ष दिपक चापागाईले बताउनुभयो ।
