सुनसरीको ईनरुवा-६ स्थित भोटेपुल नजिकै विहीबार यात्रुवाहक बस दुर्घटना हुँदा ६ जना यात्री घाइते भएका छन् ।
सिरहाको लहानबाट बिराटनगर आउँदै गरेको ना ५ ख ४९४३ नम्बरको यात्रुवाहक बस अनियन्त्रीत भई सडक अन्दाजी ३० मिटर तल खसेको थियो ।
दुर्घटनामा सुनसरी ईनरुवा-६ बस्ने ४४ बर्षिय घनश्याम घिमिरे, कोशी गाउँपलिका-४ बस्ने ३८ बर्षिय शिवशंकर लहुतियार, ईटहरी-१३ खनार बस्ने ६३ बर्षिय सोनावती चौधरी, ईनरुवा -२ बस्ने ५२ बर्षिया मान श्रेष्ठ, रामधुनी-४ बस्ने २८ बर्षिय महमद साफिर र ईनरुवा-६ बस्ने ३० बर्षिय अनिन्द्र शर्मा घाइते भएका छन् ।
घाइते सबैको ईनरुवा अस्पतालमा उपचार भइरेहको जिल्ला प्रहरी कार्यालय सुनसरीले जनाएको छ ।
