संखुवासभाको मकालु-३ नयाँबस्ती बस्ने ६० बर्षिय प्रजलमान राईको घरमा आइतबार आगलागी भएको छ।
घरमा कोही नभएको अवस्थामा दिउँसो १ बजेतिर चुलाको छेउमा राखिएको लाईटर पड्केर अचानक आगलागी भएको हो।
आगलागीबाट राईको नगद १ लाख ५० हजार तथा लता कपडा काठ समेत जल्दा अन्दाजी २ लाख २० हजार बराबरको क्षति भएको बताइएको छ।
आगलागी स्थानिय मानिसहरुको सहयोगमा नियन्त्रणमा लिएको प्रहरी चौकी हेदाङनाले जनाएको छ।
यता इलामको देउमाई नगरपालिका-४ याक्सी बस्ने योगेन्द्र भट्टराईको गाई गोठमा समेत आइतबार आगलागी भएको छ।
खोले पकाउने क्रममा चुलोबाट आचानक सल्केको आगोले उनको गोठ पूर्ण रुपमा जलेको छ भने १ वटा बाछी समेत जलेर मरेको बताइएको छ।
आगलागी इलाका प्रहरी कार्यालय मंगलबारेबाट खटिएको प्रहरीको टोली र स्थानिय मानिसहरुको सहयोगमा नियन्त्रणमा लिएको उक्त कार्यालयले जनाएको छ।
