२ असार, झापा । झापाको बिर्तामोड नगरपालिकामा माओवादी केन्द्रबाट उपमेयरकी उम्मेदवार बनेकी लक्ष्मी न्यौपानेको घर छेउमा दुई शङ्कास्पद वस्तु फेला परेका छन् ।
शंकाष्पद वस्तु भेटिएपछि बमको आशंकाले स्थानीय त्रसित बनेका छन् ।जिल्ला प्रहरी कार्यालय, झापाका प्रहरी प्रमुख एसपी शैलेश थापा क्षेत्रीले अनलाइनखबरलाई दिएको जानकारी अनुसार त्यहाँ अहिले नेपाल प्रहरी, एपीएफ र सेनाको टोली पुगेको छ ।
‘हामी त्यो शंकास्पद वस्तुलाई हेरेर डिफ्यूज गर्नेछौं’, उनले भने ।
न्यौपानेको घर बिर्तामोड–५, सुब्बा चोकमा पर्छ । उनको घरको कम्पाउण्ड छिर्ने बाटोमा शंकास्पद वस्तु भेटिएको हो ।
