बिराटनगर असार १६ ,
बिराटनगर महानगरपालिकाको मत गणना ज्यादै सुस्त भएको छ । बिराटनगरको आदर्श स्कुलमा जारि गणनामा बिगत १२ घण्टाको अवधिमा मात्रै ३ सय २० मत गनिएको छ । बिराटनगरको कुल मतदान गर्ने मतदाता ७० हजार बढी रहेको हुनाले अहिले कै तरिकाले मत गणना गर्ने हो भने ३ महिनाको समय लाग्ने अनुमान गर्न सकिन्छ । विराटनगर महानगरमा ११९ मतदान केन्द्र तोकिएको थियो ।
बिराटनगरमा मतगणना पनि ढिला गरि सुरु गरिएको थियो । अहिले बिराटनगर वडा नम्बर १ को मतगणना जारि रहेको छ। १९ वटा वडा रहेको विराटनगरमहानगरमा १ लाख १२ हजार ८३२ मतदाता छन् । यता निर्वाचन आयोगले बढीमा एक हप्ताको समयमा मतगणना सम्पन्न गरिसक्नु पर्ने बताएको छ । बिराटनगरमा मतगणनामा थप जनशक्ति तथा उचित व्यस्थापन गर्न सकिएन भने बिराटनगरको नतिजा निकै ढिला हुने निश्चित छ ।
