मोरङ, साउन ६
मोरङको केराबारी गाँउपालिका-८ हजारबिघाबाट प्रहरीले विहीबार ४ नाल भरुवा बन्दुकसहित एक जनालाई पक्राउ गरेको छ।
पक्राउ पर्नेमा सोही ठाउँका कनकटोल बस्ने छत्रबहादुर घोरसाने रहेका छन्। घोरसानेले ग्वालीमा भरुवा बन्दुक लुकाएर राखेको छ भन्ने गोप्य सुचनाको आधारमा इलाका प्रहरी कार्यालय केराबारी र शसश्त्र प्रहरी बेश क्यामप लक्ष्मीमार्गबाट खटिएको प्रहरीको टोलीले परालमा लुकाएर राखेको अवस्थामा लोड भएको ४ नाल भरुवा बन्दुक बरामद गरेको हो।
बरामद बन्दुकसहित छत्रबहादुरलाई इलाका प्रहरी कार्यालय केराबारमा राखी थप अनुसन्धान भइरहेको छ।
