युवाहरुको क्षमता अभिवृद्धि गर्न र युवाहरुमा भएको प्रतिभा प्रोत्साहनका लागि विराटनगर जेसिजद्वारा आयोजित जेसिज ट्यालेन्ट हन्टको ग्रान्ड फिनाले आईतबार विराटनगरको विरेन्द्र सभागृहमा आयोजना हुने भएको छ । विभिन्न विधा भाग लिएका प्रतिस्पर्धाबाट १६ प्रतिस्पर्धिलाई छनोट गरिएको उक्त कार्यक्रमका प्रमुख अतिथीका रुपमा महानायक राजेश हमाल शनिबार विराटनगर आईपुगेका छन । शनिबार आयोजित पत्रकार सम्मेलनमा आयोजकले कार्यक्रमको सम्पुर्ण तयारी पूरा भएको जानकारी गराएको छ । पत्नी मधु भट्टराई सहित विराटनगर आईपुगेका महानायक हमालले अब छिट्टै नै आफुले चलचित्र निर्देशन गर्ने कुरा बताए । त्यस्तै ट्यालेन्ट हन्ट फिनाले कार्यक्रममा चर्चित गायक बाबू बोगटी त्यसै गरि एक मात्र विश्व किर्तिमानी जादुगर सुरद मैनाली पनि सहभागिता रहने संयोजक अबिनास थापाले बताएका छन।
