सप्तरी, साउन २४ गते
सप्तरीको दुई स्थानमा सोमबार भएको सवारी दुर्घटनामा ३ जना घाइते भएका छन्।
खडक नगरपलिका-८ मा पूर्वबाट पश्चिमतर्फ जादै गरेको स १ प ७९३३ नम्बरको मोटरसाइकलको ठक्करबाट पैदलयात्री सोही ठाउँका १९ बर्षिय देबेन्द्र मण्डल घाइते भएका छन्। दुर्घटनामा मोटरसाइकल पछाडी सवार खडक नगरपालिका-२ बस्ने १६ बर्षिया पुनिता चौधरी समेत घाइते भएकी छिन्।
घाइते दुवैको सप्तऋषी अस्पताल लहानमा उपचार भइरहेको छ भने मोटरसाइकल र चालक इलाका प्रहरी कार्यालय कल्याणपुरको नियन्त्रणमा छन्।
यता सप्तरीकै कृष्ण सवरण गाउँपालिका-४ मा स ६ प ११३३ नम्बरको मोटरसाइकललाई स ७ प ९२९८ नम्बरको मोटरसाइकलले ठक्कर दिँदा मोटरसाइकल चालक सम्भुनाथ नगरपालिका-३ बस्ने ३१ बर्षिय किशोर कुमार कर्ण र १६ बर्षिय सुरज घाइते भएका छन्।
घाइते दुवैको न्युरो अस्पताल विराटनगरमा उपचार भइरहेको छ। ठक्कर दिने मोटरसाइकल र चालकलाई इलाका प्रहरी कार्यालय माहुलीले नियन्त्रणमा लिएको छ।
