मोरङ, असोज १७ , पथरीशनिश्चरे नगरपालिका-७ मा मंगलबार विहान छुरा प्रहारबाट एक युवक घाइते भएका छन्।
लिङ्गे पिङ खेल्ने क्रममा बिवाद हुदा पिङ खेल्न आएका अपरिचित ३०/३५ जनाको समुहले सोही स्थान बस्ने भोला थापाको छोरा २० बर्षिय मदन थापा मगरलाई राती १२;१५ बजे छुरा प्रहार गरेको स्थानियले बताए।
छुरा प्रहारबाट घाइते मगरलाई उपचारकोलागी विपी कोइराला स्वास्थ्य विज्ञान प्रतिष्ठान धरान लगिएको छ भने छुरा प्रहार गर्ने समुहको खोजी भइरेहको इलाका प्रहरी कार्यालय पथरीले जनाएको छ।
यता मोरङकै बुढीगंगा गाउँपालिका-२ गंगा चौक बस्ने १९ बर्षिय राकेश कुमार झा समेत खुकुरी प्रहारबाट घाइते भएका छन्। उनलाई सोही ठाउँका १८बर्षिय सुमित कुमार झाले सामान्य विवाद हुदा बेलुका ७ बजेतिर खुकुरी प्रहार गरेका थिए।
घाइते राकेशको बिराट मेडीकल कलेज गंगा चौकमा उपचार भइरेहको छ। भने खुकुरी प्रहार गर्ने सुमित इलाका प्रहरी कार्यालय निमुवाको नियन्त्रणमा छन्।
