काठमाडौं । निर्वाचन विरोधी गतिविधि गर्ने नेत्रविक्रम चन्द विप्लव माओवादीका १० नेता कार्यकर्तालाई प्रहरीले दाङबाट पक्राउ गरेको छ ।
मंसिर १० र २१ गते हुन लागेको निर्वाचनको विरुद्धमा वाल पेन्टिङ गर्दै हिँडेको अवस्थामा स्थानीय १० नेता कार्यकर्तालाई नियन्त्रणमा लिएर अनुसन्धान थालेको जिल्ला प्रहरी कार्यालय दाङले जनाएको छ ।
“निर्वाचन हुनु हँुदैन भन्दै वाल पेन्टिङ गर्दै गरेको बेला उहाँहरुलाई हामीले नियन्त्रणमा लिएका छौं, आफूलाई विप्लव माओवादीका कार्यकर्ता बताउनु हुन्छ,” दाङ प्रहरी प्रमुख एसपी दुर्गा सिंहले बताइन् । पक्राउ परेका १० जनालाई प्रहरीले थुनामा राखेको छ ।
