नेपाल आयल निगमले हिजो (बुधबार) बढाएको इन्धनको मूल्य फिर्ता गर्ने निर्णय गरेको छ । निगम सञ्चालक समितिको बिहीबार बिहान बसेको आकस्मिक बैठकले बढेको मूल्य फिर्ता लिएर पुरानै मूल्यमा इन्धन बेच्ने निर्णय गरेको हो ।
बिहीबार विहान १० बजेदेखि लागू हुनेगरी पुरानै मूल्यकायम भएको छ । अब निर्वाचन अवधिभर इन्धन नबढ्ने निगम स्रोतले जनाएको छ ।
नेपाल आयल निगमले बुधबार रातिबाट लागू हुने गरी पेट्रोलियम पदार्थको मूल्य बढाएको थियो । निगमले प्रतिलिटर पेट्रोलमा २ रुपैयाँ र डिजेल तथा मट्टीतेलमा एक रुपैयाँ ५० पैसाका दरले मूल्य बढाएको थियो । यसैगरी खाना पकाउने एलपी ग्यासमा प्रतिसिलिन्डर २५ रुपैयाँ वृद्धि गरेको थियो ।
