२० कात्तिक, सिन्धुली । सिन्धुलीको फिक्कल गाउँपालिका ४ मा गएराति भएको जीप दुर्घटनामा मृत्यु हुनेको संख्या ४ पुगेको छ । सिन्धुलीको खुर्कोटबाट खाङसाङतर्फ जाँदै गरेको बा ७ च ३६९५ नम्बरको जीप गएराति ९ बजे सडकबाट करिब १ सय मिटर तल खेतमा खसेको थियो ।
दुर्घटनामा फिक्कल गाउँपालिका–४ का अन्दाजी ४० वर्षीय अम्बरबहादुर दर्लामी, सोही ठाउँकै रामप्रसाद बराल, ५९ वर्षीय दिलबहादुर र ६० वर्षीय नरबहादुर बलमपाखीको मृत्यु भएको जिल्ला प्रहरी कार्यालय सिन्धुलीले जनाएको छ ।
दुर्घटनामा गम्भीर घाइते एकजनाको काठमाडौंमा र अन्यको खुर्कोटमा उपचार भइरहेको छ ।
