बिराटनगर , मंसिर ०८ , लागूऔषध नियन्त्रण ब्यूरो बिराटनगरबाट खटिएको टोलीले बिहीबार अपरान्ह लागूऔषधसहित एक युवकलाई पक्राउ गरेको छ।बिशेष सुराकीको आधारमा सादा पोशाकमा खटिएको टोलीले बिराटनगर महानगरपालिका १५ स्थित भन्सार कार्यालयको १ नम्बर ढाटबाट सुनसरी बराह नगरपालिका ६ बस्ने २६ बर्षिय संदिप राईलाई लागूऔषधसहित पक्राउ गरेको हो।
अपरान्ह साढे ४ बजेको समयमा राईले भारतको जोगवनीबाट चिनीको पोका भित्र लुकाई छिपाई नेपालतर्फ ल्याउँदै गरेको लागूऔषध एभिल ८ एम्पुल, लुपिजेसिक ८ एम्पुल र डाईजेल्याब ८ एम्पुल फेला पारी बरामद गरेको हो।लागूऔषधसहित पक्राउ परेका राईलाई इलाका प्रहरी कार्यालय रानीमा राखी थप अनुसन्धान भईरहेको ब्यूरो प्रहरीले जनाएको छ।
