झापा, मंसिर १२ गते। झापाको बिर्तामोड नगरपालिका ५ स्थित मुक्ति चौमा सोमवार राती टाटा सुमो गाडी अनियन्त्रित भई दुर्घटना हुँदा ६ जना घाईते भएका छन्।
पूर्व पश्चिम राजमार्गमा पश्चिमबाट पूर्वतर्फ जाँदै गरेको मे १ ज १९६४ नम्बरको टाटा सुमो गाडी आँफै अनियन्त्रित भई राती साढे ८ बजे दुर्घटना भएको थियो।
दुर्घटनामा परी सुमोका चालक इलाम कोलबुङ गाउँपालिका ९ बस्ने अरुण तामाङ, इलाम चमैता ९ बस्ने २३ बर्षिय बीरेन्द्र दियाली, मकवानपुर १ हेटौडा बस्ने २९ बर्षिय सरोज श्रेष्ठ, झापा बुद्धशान्ति गाउँपालिका १ बस्ने ३० बर्षिया भीमा गहतराज, निजको १३ बर्षिया छोरी खुशी गहतराज र झापा बुद्धशान्ती गाँपालिका १ बस्ने ३५ बर्षिया सबिता राई घाईते भएका छन्।
घाईते ६ जना कै बिर्तामोडस्थित बि.एण्ड.सी अस्पतालमा उपचार भईरहेको इलाका प्रहरी कार्यालय अनारमनीले जनाएको छ। गाडीलाई प्रहरीको नियन्त्रणमा राखिएको छ भने चालकलाई प्रहरीको निगरानीमा उपचार भईरहेको छ।
