सप्तरीको रञ्जितपुरस्थित सशस्त्र प्रहरी सीमा सुरक्षा कार्यालयलाई लक्षित गरी विष्फोटको तयारीमा राखेको रिमोट बम नेपाली सेनाले निष्क्रिय पारेको छ ।
शक्तिशाली बम विष्फोट गराउने योजनाका साथ अज्ञात समुहले उक्त रिमोट बम राखेको प्रहरीले जनाएको छ । भीमदल गणको टोलीले बम निस्कृय पारेको हो । उक्त रिमोट बम सोमबार राति फेला परे पनि निष्क्रिय भने बिहान मात्र भएको सप्तरी प्रहरी प्रमुख एसपी मुकेश सिंहले बताए । प्रहरीले सो क्षेत्रमा रिमोट बम राखिएको सुचना पाएपछि खोजतलास गरेको थियो ।त्यसैगरी प्रहरीले सप्तरीबाट २ किलो आरडीएक्ससहित २ जनालाई पक्राउ गरेको छ ।
अनुसन्धान बाँकी रहेको र केही अझै पक्राउ गर्नुपर्ने भएका कारण प्रहरीले पक्राउ परेका २ जनाको विवरण गोप्य राखेको छ ।
राजबिराज तथा त्यसको आसपासमा ठूलै बम विस्फोट गराउन सक्ने सूचना पाएर त्यहीअनुसार रणनीति बनाइएको प्रहरीले जनाएको छ ।
