सुनसरी, मंसिर १९।इलाका प्रहरी कार्यालय ईटहरीबाट खटिएको टोलीले सोमबार साँझ लागूऔषधसहित २ जनालाइ पक्राउ गरेको छ।
सुनसरीको ईटहरी उप-महानगरपालिका ५ स्थित कलंकी चौकबाट लागूऔषधसहित हेटौडा नगरपालिका १ मकवानपुर बस्ने २५ बर्षिय धनराज रुम्बा र धनकुटा शहीदभुमी २ हिले ३१ बर्षिय दिपक राईलाई पक्राउ गरेको हो।
साँझ ६ बजे उनीहरुलाई शंकालागी चेकजाँच गर्ने क्रममा शरिरमा लुकाई छिपाई ल्याउँदै गरेको अबस्थामा लागूऔषध लुपिजेसिक, एभिल, डाइजेल्याव र फेनारगन सहित जम्मा ५ सय ३२ एम्पुल फेलापारी बरामद गरेको हो।
बरामद लागूऔषधसहित उनीहरुलाई इलाका प्रहरी कार्यालय ईटहरीमा राखी थप अनुसन्धान भईरहेको उक्त कार्यालयले जनाएको छ।
