झापाको मेचीनगर नगरपालिका ६ स्थित काँकरभिट्टा क्याम्पसको क्यान्टिनमा आज बिहान ग्याँस लिक भई आगलागी हुँदा अन्दाजी १२ लाख बराबरको क्षति भएको छ।
आज बिहान पौने छ बजे क्याम्पसको चौकीदार मेची नगरपालिका ६ बस्ने नारायण बिष्टले संचालन गरेको उक्त क्यान्टिना आगलागी हुँदा उक्त मूल्य बराबरको क्षति भएको हो।
आगलागीबाट क्यान्टिनमा रहेको लत्ताकपडा, अन्नपात, भाडा-बर्तन, सुन चाँदी र नगद ३८ हजार समेत जलेर नष्ट भएको इलाका प्रहरी कार्यालय काँकडभिट्टाले जनाएको छ।आगलागी नेपाल प्रहरी सशस्त्र प्रहरी दमकल र स्थानीयको सहयोगमा बिहान साढे ६ बजे पूर्ण रुपमा नियन्त्रणमा आएको हो।
