बेलबारी । मोरङको बेलबारी ४ मा सोमबार भएको आगलागीका पिडितलाई भेटेर बेलबारी नगरपाकिलाकी उपमेयर ढाकाकुमारी पराजुलीले तत्काल राहत सामाग्री हस्तान्तरण गरेकी छिन ।
स्थानीय मनोज राईको घरमा सोमबार दिउँसो आगलागी हुँदा १० लाख मुल्य बराबरको क्षति भएको थियो । आगलागीपछि पिडितलाई भेटन पुगेकी पराजुलीले
दुई बोरा चामल,दाल,नुन,तेल, सिरक डसना र म्याट बितरण गरेकी छिन । आगलागीबाट सबै सम्पत्ति खरानी भएपछि उपमेयर पराजुलीले सो सामाग्री हस्तान्तरण गरेको बताईन ।
घर निर्माणका लागी उठाईएको पिलरमा टाँटीको छाप्रो लगाएर फुसको छानो लगाई अस्थाई रुपमा बसोबास गर्दे आएका राईको घरमा दिउँसो १.४५ बजे आगो लागको इलाका प्रहरी कार्यलय बेलबारीले जनाएको छ । घर निर्माण सामाग्री,गरगहना,अन्नपात लत्ताकपडा लगायतका सामाग्री जलेर नष्ट भएको ईलाका प्रहरी कार्यालय बेलबारीका प्रहरी सहायक निरिक्षक महेन्द्र पराजुलीले बताए ।
