रसुवा, पुष १३, रसुवाको टिमुरेमा सञ्चालित होटल तथा मेसमा तास खेलिरहेका भन्सारका सुब्बासहित १५ जनालाई प्रहरीले पक्राउ गरेको छ । पक्राउ पर्नेमा भन्सारका सुब्बा, व्यापारी तथा सवारी चालक रहेका छन् । तास खेलिरहेको सुराकीको आधारमा होटलबाट ८ जना र मेसबाट ७ जनालाई प्रक्राउ गरेको सीमा प्रहरी चौकी टिमुरेले जनाएको छ ।
पक्राउ परेकालाई प्रहरी चौकीमा नै राखिएको छ । उनीहरुबाट २१ हजार नगद समेत बरामद भएको छ । पक्राउ परेका व्यक्तिको नाम प्रहरीले सार्वजनिक गरेको छैन् ।
रासस
