मोरङको विराटनगर महानगरपालिका-४ स्थित पिपल चोकमा आइतबार टेम्पो दुर्घटना हुँदा ६ जना घाइते भएका छन्।
कोशी राजमार्गमा उतरबाट दक्षिणतर्फ आउदै गरेको को १ ह ७६३ नम्बरको टेम्पो विहान १० बजे अनियन्त्रित भई दुर्घटना भएको थियो। दुर्घटनामा टेम्पका चालक मोरङ बुढी गंगा गाउँपालिका-२ बस्ने ५० बर्षिय काले चौधरी गम्भिर घाइते भएका छन्।
उनको नोबेल मेडिकल कलेजमा उपचार भइरहेको छ भने मोरङ विराटनगर महानगरपालिका-३ बस्ने ३४ बर्षिय गंगा आचार्य, सोही ठाउवकी ३८ बर्षिया दिपा भेटवाल, ३० बर्षिय स्वागत नेपाल र जिल्ला तेह्रथुम म्याङलुङ नगरपालिका-६ बस्ने २६ बर्षिय प्रभात बहादुर बिष्ट सामान्य घाइते भएका छन्। उनीहरुको लाईफ गार्ड अस्पताल विरानगरमा उपचार भइरेहको जिल्ला प्रहरी कार्यालय मोरङले जनाएको छ।
