विराटनगर २४ पुस । ३ लाख नगद सहित श्रीमती बेपत्ता भएपछि एक श्रीमान्ले श्रीमति खोजीदिन आग्रह गरेका छन् ।
बूढीगंगा–२ का गिरानन्द पासवानले सोमबार विराटनगरमा पत्रकार सम्मेलन गरी आफ्नी श्रीमती अनितादेवी पासवानले रु तीन लाख र गरगहना लिई पुस १५ गतेदेखि बेपत्ता भएको पत्रकार सम्मेलनमा जानकारी दिए । 
एक १७ वर्षीय छोरा र दुई छोरी गरी तीन सन्तानकी आमा भएकी अनिता बेपत्ता भएपछि छोराछोरी बिच्चलीमा परेको पिडीत श्रीमान्ले बताए । बेपत्ता भएकी श्रीमतीलाई खोजी गरिदिनका लागि प्रहरीमा जाहेरीसमेत दिएको भए पनि अहिलेसम्म फेला नपरेपछि पत्रकार सम्मेलन गर्नुपरेको उनले बताए ।
[caption id="attachment_45053" align="aligncenter" width="611"]
वेपत्ता भएकी श्रीमती अनिता देवी पासवान[/caption]
गिरानन्द पासवानअनुसार श्रीमती बेपत्ता हुनुअघि मोबाइलको कल डिटेल हेर्दा एक जनासँग ६४५ पटक फोन सम्पर्क गरेको पाइएको जानकारी पनि दिए । अनिता देवी नोवेल हस्पीटलमा अप्रेशन थ्रेयटरकोठामा सरसफाई गर्दै आएकी थिईन् ।
