मोरङको विभिन्न स्थानमा सोमबार भएको सवारी दुर्घटनमा परी ३ जना घाइते भएका छन्।
विराटनगर महानगरपालिका-४ स्थित कोशी राजमार्गमा साँझ ८ बजे को २७ प ७८२४ नम्बरको मोटरसाइकलको ठक्करबाट पैदलयात्री सोही ठाउँका ६५ बर्षिय मोहमद अनामुल घाइते भएका छन्। उनको नोबेल अस्पताल विराटनगरमा उपचार भइरहेको छ। यस्तै कानेपोखरी गाउँपालिका-६ रमाईलोमा मोटरसाइकलले ठक्कर दिएर दुई जना घाइते भएका छन्।
घाइतेहरुमा ७० बर्षिया स्थानिय होम कुमारी लम्साल र राजिब तामाङको २ बर्षिय छोरा सोहन तामाङ रहेका छन्। लम्साललाई साँझ ६ बजेतिर बा ४१ प ५७१३ नम्बरको मोटरसाइकलले ठक्कर दिएको थियो भने तामाङलाई दिउँसो ३ बजेतिर को ५ प ५५६४ नम्बरको मोटरसाइकलको ठक्कर दिएको थियो। घाइते महिलाको मोरङ सहकारी अस्पतालमा उपचार भइरहेको छ भने बालकको नोबेल अस्पताल बिराटनगरमा उपचार भइरहेको छ। दुवै मोटरसाइकलका चालक प्रहरीको नियन्त्रणमा छन्।
