रबिन्द्र बराल
रंगेली २६ पुष । मोरङको कटहरी गाउँपालीका ६ मा रहेको श्री सुर्यदल गण थलाहा ब्यारेकले सोहि स्थान नजिकै रहेको मन्त्री टोलका अति बिपन्न घर परिवारका बृद्ध,युवा ,महिला , तथा बालबालिकलाई चिया,बिस्कुट बितरण गरेका छन । 
साता दिन देखिको शीत लहरका कारण घर बाट बाहिर जाने अवस्था नभएका कारण नेपाली सेनाले जनहितको कार्यक्रम सन्चालन गरेको हो ।
नेपाली सेनाले उक्त टोलमा १ सय ६५ जनाहरुलाई चिया बिस्कुट बितरण गरेको थियोे । उनीहरुले न्यानो का लागि उक्त चोकमा आगो बालेर न्यानोको अनुभुती दिलाएका थिए । सोहि क्रममा नेपाली सेनाले ६५ जना बृद्ध ,बृद्घाहरुको स्वास्थ्य परिक्षण समेत गरेको छ । उक्त कार्यक्रममा मोरङका गणपति प्रमुख सेनानी श्री ईन्दवार विष्ट लगायतले चिया,बिस्कुट बितरण गरेका थिए । सेनाले अति विपन्न घरपरिवार हरुलाई यस्तो कार्यक्रम आफु हरुले गरिरहेको आगामी दिन हरुमा समेत यस्ता कार्यक्रम को आयोजना गरिरहने सेनानी राजु थापाले बताए ।
