सोमबार साँझ बसेको आन्दोलन परिचालन समितिको बैठकले आमहडताललाई एक हप्ता स्थगित गरी आन्दोलनको स्वरुप परिवर्तन गर्ने निर्णय गरेको हो ।
स्थानीय प्रशासनले बजार क्षेत्रमा लगाएको निषेधाज्ञा सोमबारै हटाएको थियो । यससँगै आमहडताल फिर्ता लिने निर्णय गरिएको आन्दोलन परिचालन समितिका सदस्यसचिव जयन्द्र प्रधानले जानकारी दिए ।
सरकारले प्रदेश नम्बर–१ को अस्थायी मुकाम विराटनगर तोकेको विरोधमा धनकुटावासीले आमहडताल गरेका थिए ।
आमहडताल र निषेधाज्ञा खुलेसँगै धनकुटाको जनजीवन सहज हुने भएको छ ।
आन्दोलन परिचालन समितिले सरकारलाई ७ दिनभित्र माग सम्बोधन गर्न ‘अल्टिमेटम’समेत दिएको छ ।
