इटहरी, माघ १५ । उच्च शिक्षालय तथा माध्यमिक विद्यालयको छाता संगठन हिसान सुनसरीले साप्ताहब्यापी खेलकुद कार्यक्रमको आयोजन गर्ने भएको छ । लामो सयमदेखि निजि क्षेत्रबाट शिक्षा प्रदान गर्ने कार्यमा संलग्न रहेको हिसान सुनसरीले आइतबार इटहरीमा पत्रकार सम्मेलनको आयोजना गर्दै साप्ताहब्यापी कार्यक्रमको आयोजना गर्ने जानकारी दिएको हो ।
निजि विद्यालय प्लस टुमा अध्ययनरत विद्यार्थीहरुको प्रतिभा र क्षमताको प्रदर्शन एवम् प्रतिस्प्रधाको भावना जागृत गर्ने उदेश्यले माघ १४ गतेदेखि माघ २० गते सम्म सुनरीको धरान र इटहरीमा साप्ताहब्यापी कार्यक्रमको आयोजना गर्न लागेको हिसान सुनसरीका अध्यक्ष मुकुन्द घिमिरेले पत्रकार सम्मेलनमा जानकारी दिए ।
कार्यक्रमहरुमा फुडबल,क्रिकेट, बास्केटबल, भलिवल, हाजिरी जवाफ, नृत्य गर्नलागेको घिमिरेले बताए । सो प्रतियोगितामा विजेता हुने विद्यालयलाई ट्रफि तथा प्रमाण पत्र र विद्यार्थीलाई मेडल तथा प्रमाण पत्र वितरण गरिने हिसान सुनसरीका अध्यक्ष घिमिरेले जानकारी दिए । स्पोर्ट्स मिटको प्रायोजकमा इटहरी इन्टरनेसनल कलेज रहेको छ ।
