विराटनगर, १७ माघ ।
विराटनगरमा लागूऔषध सहित एक दम्पतीलाई प्रहरीले पक्राउ गरेको छ । लागुऔषध नियन्त्रण ब्यूरो बिराटनगरबाट खटिएको टोलीले बुधबार अपरान्ह लागूऔषध सहित एक दम्पतीलाई पक्राउ गरेको हो । बिराटनगर महानगरपालिका १५ स्थित भन्सार कार्यालय नजिकैबाट लागूऔषध सहित सुनसरी बराह नगरपालिका ७ का २५ बर्षिय शम्भु परियार र उनकी श्रीमती २२ बर्षिया संगिता परियारलाई पक्राउ गरेको प्रहरीले जनाएको छ।
भारतको जोगवनी बजारबाट नेपालतर्फ आउँदै गरेका उनीहरुलाई चेकजाँच गर्ने क्रममा लागु औषध एभिल २५ एम्पुल, लुपिजेसिक २४ एम्पुल र फेनारगन ३ एम्पुल बरामद भएको ईलाका प्रहरी कार्यालय रानीले जनाएको छ । पक्राउ परेका उनीहरुको बारेमा थप अनुसन्धान भईरहेको छ ।
