सुनसरीको धरानबाट प्रहरीले गएराती अवैध काठसहित एक जनालाई नियन्त्रणमा लिएको छ। धरान-१७ बस्ने ईन्द्र बहादुर मगरको घरमा लुकाई राखेको अवस्थामा १४ थान सालको काठसहित मगरलाई नियन्त्रणमा लिएको हो। मगरको घरमा अवैध काठ राखेको भन्ने सुचना पाएपछि अस्थायी प्रहरी पोष्ट रेल्वेबाट खटिएको टोलीले उनको घरमा हेर्दा अवैध काठ बरामद भएको ईलाका प्रहरी कार्यालय धरानले जनाएको छ । काठसहित मगरलाई अनुसन्धानका लागि ईलाका प्रहरी कार्यालयमा राखिएको छ।
