विराटनगर २४ माघ ।
नेपाली कांग्रेसका प्रवक्ता विश्वप्रकाश शर्माले सबै तहको निर्वाचन सम्पन्न भइसकेकाले फागुनको दोश्रो साता सम्म नयाँ सरकार बनिसक्ने बताएका छन् । सरकारले सबै तहको निर्वाचन सम्पन्न गराएकोले अव चाडै सत्ता हस्तान्तरण प्रक्रिया अघि वढ्ने बताएका हुन् ।
नेपाल प्रेस युनियन मोरङले विराटनगरमा गरेको पत्रकार सम्मेलन वोल्दै उनले फागुनको दोश्रो सातासम्म नया सरकार वन्ने बताए । संवैधानिका प्रक्रियाका कारण सत्ता हस्तान्तरणमा केही ढिलाई भएको उनको भनाई छ ।
प्रवक्ता शर्माले पछिल्लो पटक सरकारले गरेको निर्णयले मुलुकलाई दुरगामी असर नपर्ने बताए । जान लागेको र आउने सरकार भनेर कसैले गलत सोच्न नहुने उनले बताए । सरकारले गरेको राम्रा निर्णयलाई नयाँ सरकारले पनि निरन्तरता दिनुपर्ने शर्माको भनाई छ ।
एक प्रश्नमा उनाले पार्टिको विधि र प्रक्रिया अनुसार कांग्रेस भित्र रुपान्तर आवश्यक रहेको बताए । निर्वाचन कांग्रेसले भोगेको पराजयको आन्तरिक र दिर्घकालिन असर खोजेर पार्टिलाई नया ढंगवाट अगाडी वढाउनु पर्नेमा जोड दिए ।
