झापामा बिहिबार यात्रुवाहक बस र जीप एक अर्कासंग ठोक्किंदा दश जना घाइते भएका छन। पूर्व पश्चिम राजमार्ग अन्तरगत झापाको कमल गाउँपालिका ३ स्थित शहिद गेटमा विहान करिब ८ बजे पूर्वबाट पश्चिमतर्फ जाँदै गरेको मे १ ख २६३६ नम्बरको बस र विपरित दिशाबाट आउदै गरेको मे १ च ९२५ नम्बरको बलेरो जीप एक आपसमा ठोक्किएको हो। दुर्घटनामा जीप चालक सहित ६ जना तथा बसमा सवार ४ जना घाइते भएका छन। सबैको हात, खुट्टामा सामान्य चोट लागेको र उनीहरुलाई प्रहरी चौकी केर्खाबाट उद्दार टोली खटि गई तत्कालै उपचारका लागि दमक स्थित लाईफलाईन अस्पताल लगिएको छ ।
