फिदिम–१ माघ। बुद्धमार्गस्थित सूर्य निरौलाको घरमा शुक्रबार दिउँसो साँढे दुई बजेतिर आगलागी भएको हो । आगलागीबाट घरको किचनमा भएका सामान, लत्ताकपडा र त्यसै घरमा रहेको निरौला छापाखानाका सामान जलेर नष्ट भएको छ । विद्युत सर्ट भएर आगलागी हुन पुगेको प्रहरीले जनाएको छ । समयमै दमकल आइपुगेकाले आगो अर्काे घरमा पुग्न नपाएर ठूलो क्षति हुनबाट भने फिदिम बजार जोगिएको छ । किचनका सामान र छापाखानाका सामान जलेर नष्ट हुँदा दश लाख बराबरको क्षति भएको पाँचथर प्रहरीले जनाएको छ ।
