विराटनगर, २७ माघ ।
मोरङको बुढीगंगा गाउँपालिकामा प्राधिकरण र प्रहरीको सँयुक्त टोलीले विधुत चोरीमा संलग्न ६ जनालाई नियन्त्रणमा लिएको छ। बुढीगंगा गाउँपालिका ५ का सुरज चौधरी, बुढीगंगा–४ का जगत खड्का, अनन्त मिर्दा, बुढीगंगा–१ का रविन्द्र ठाकुर, राजेश राजबंशी र प्रमोद यादव सहित ६ जनालाई प्रहरीले पक्राउ गरेको हो । प्रहरीले हुकिङ गरि घरमा बिधुत लगेको पाईएपछि नियन्त्रणमा लिएको जनाएकोछ । विधुत चोरी नियन्त्रण अभियान अन्तरगत प्राधिकरण र जिल्ला प्रहरी कार्यालय मोरङबाट खटिएको सँयुक्त टोलीले राती १० बजेतिर उनीहरुको घरमा हुकिङ गरी बिधुत चोरी गरेको भेटेको थियो । सबैलाई जिल्ला प्रहरी कार्यालय मोरङमा राखेर कार्वाही प्रक्रीय अघि बढाईएको जनाईएको छ ।
